Chapter 4 : DoMiNo

"I'm sorry. Hindi ko dapat hinayaang mangyari ito."

"Hindi mo kailangang humingi ng sorry kasi ginusto ko din ito."

"No. Mali ito. I took advantage of you."

"I also did. I took advantage of the situation."

"Mahal ko ang asawa ko. I'm sorry. This should not happen again."

"Wala siya sa tabi mo. Ako ang nandito."

"Hindi tama ang ginagawa niya. Pero mali ang ginawa ko. Dess, kasalanan ito. Mahal ko ang asawa ko. Mahal ko si Gail. Patawarin mo ako."

"Mali na kung mali Anthony. Nasasaktan ako kasi gusto kita. Kasi mahal kita."

"I'm sorry kung nasasaktan ka. Mas lalo kang masasktan kung magpapatuloy ito. Kung magkikita pa tayo ulet. I hate to tell you this, but you have to stop loving me. I'm a married man and you deserve better."

Tumayo si Anthony mula sa kama at sinuot ang kanyang damit na nakakalat sa sahig. Dumiretso ito ng banyo. Habang si Dess naman ay patuloy ang pag-iyak dahil hindi matanggap ang mga sinabi ng lalaki.

Chapter 4 – DoMiNo

Twelve hours ago.

8:18AM - Lipa, Batangas

Late nang nagising si Gail. Hindi kasi ito nakatulog agad kagabi dahil magdamag niyang hinintay ang pagbalik ni Migs mula sa gimik. Gusto niya sana kausapin ang binata ngunit umalis ito at halos umaga na nang dumating. Pagtingin niya sa orasan ay pasado alas otso na ng umaga at kahit antok na antok pa ay pinilit niya ang sarili na bumangon na at maghilamos. Pagpunta niya ng banyo, naalala niyang nasa ibang kuwarto na nga pala siya at nalimutan nitong kunin ang ibang mga gamit niya sa kabila. Napakamot na lamang ito sa kanyang ulo at iniisip na katukin na lamang si Migs. Ngunit nagdadalawang isip siya kung gagawin niya ito dahil nahihiya pa siya sa binata. Naupo muna ito sa dulo ng kama upang makapag-isip. Nang biglang naalala niya ang mga underwear niya na nasa drawer ng cabinet at may isa pang nakasampay sa banyo. Parang naihi sa kaba si Gail at inisip nito kailangan niyang makuha ang gamit niyang nandoon sa kabilang kuwarto at nakakahiya naman kay Migs lalo na ang nakasampay na T-back sa banyo na ginamit niya nang siya ay lumabas para mag-bar. Dali daling lumabas ito ng kuwarto. At nang makarating sa tapat ng pintuan ni Migs, ay atras-abante ito kung itutuloy ba niya ang pagkatok o hindi. Maya-maya pa ay huminga ito ng malalim at tinuloy ang pagkatok sa pinto. Ngunit walang reaksiyon mula sa loob at tila yata tulog pa ang binata. Sinubukan muli nitong kumatok ngunit wala pa rin. Napakagat na si gail sa kanyang kuko sa sobrang kaba niya. Kumatok ulit siya at sinubukang iikot ang doorknob ng pintuan. Nagulat siya nang bumukas ito at hindi pala naglock si Migs ng kanyang kuwarto. Pinasok muna nito ang kanyang ulo para sumilip, at nakita niyang may nakaumbok sa may kama. Naisip niyang tulog pa marahil si Migs at mas magandang pagkakataon ito para kunin ang kanyang mga gamit na naiwan niya. Dahan-dahan itong nagpunta sa cabinet at walang ingay na naglakad. Binuksan niya ang drawer at nakita na niya ang mga underwear niya sa loob. Kinuha na ni Gail ang mga ito at marahang isinara ang drawer. Ngayon naman ay papunta na itong banyo para kunin ang underwear niyang nakasampay sa loob. Nang malapit na ito sa pinto, may narinig itong tila may naliligo sa loob. Biglang natigilan si Gail at dahan-dahang lumingon sa kama para tignan si Migs at laking  gulat niyang natakpan lamang pala  ng kumot ang malaki niyang bag at mga unan na napagkamalan niyang taong nakahiga. Maya-maya ay bumukas ang pintuan ng banyo at parang slow motion pang lumingon si Gail. Mula sa banyo, lumabas si Migs nang nakahubad at pinupunasan ng tuwalya ang kanyang buhok. Nagkatinginan ng ilang segundo sina Migs at Gail. Sabay nabaling ang atensiyon ni Gail sa maskuladong katawan ng binata, pababa sa abs nito hanggang sa tuluyang napatingin sa ari ng binata. Biglang bumalik ang magandang babae sa kanyang sarili at napatingin ulit kay Migs.

"Oh shit!" Sabay takip ni Migs sa kanyang harapan at dali daling tumalikod. Naalala niya na hubad din ang kanyang likuran at bigla nitong tinakpan ang nakabuyangyang na puwet.

"Waaaaaaaahhhhhhhhh" sigaw ni Gail habang tumakbo papalayo sa kuwarto ni Migs. Agad-agad na naglock sa tinutuluyang silid.

Nakanganga at natulala si Gail sa mga nangyari. Hindi maalis sa isip niya ang kahihiyang ginawa niya sa harapan ni Migs. Hindi rin niya maalis sa isip nito ang katawang nasilayan. Hanggang sa parang baliw na tumatawa sa kanyang sarili habang yakap-yakap ang mga underwear na kinuha niya sa drawer.

8:20AM - New Manila

Nagtimpla ng kape si Anthony at naglagay ng cereal sa isang bowl. Nagdagdag ito ng gatas at isang kutsarang asukal dahil napadami niya ang lagay ng kape sa kanyang inumin. Habang siya ay nag aalmusal, ay biglang tumunog ang doorbell niya. Tumingin ito sa orasan at tila maagang pagbisita naman ito para sa kanya. Tumayo na lamang siya at pinagbuksan ito.

"Oh Dess ikaw pala yan. Agang bisita yan ah." pabirong sambit ni Anthony.

"Eh diba sabi ko nga sayo lagi kita pupuntahan dito." magiliw na sagot ni Dess. Isang disenteng babae si Dess. Kahit simpleng manamit ay kitang kita pa din ang alindog at hubog ng kanyang seksing pangangatawan. Litaw na litaw din ang kayumangging balat at pinay na pinay na kagandahan.

"Naku! Baka masanay ako niyan. Hanap-hanapin ko yan."

"Hehe ikaw ang bahala. Basta ako, sabi ko sayo na aalagaan kita. Free of charge."

"Makakatanggi pa ba ako sa alok mo? Hehe. Salamat Dess." nakangiting saad ni Anthony.

"Naku, tama na nga yang drama na yan. Mabuti pa ipagluluto na lang kita ng almusal."

"Nag-aalmusal na kaya ako."

"Ito ang almusal mo?" sabay turo sa isang tasang kape at isang mangkok ng cereal na may gatas. "Naku, hindi puwede sa akin yan. Ipagluluto kita ng matinong almusal."

"Huwag na. Okay na ako dito. Well in fact, ganito talaga ako mag breakfast."

"Hindi puwede. Ipagluluto kita. Maupo ka lang diyan at antayin mo. Give me 5 minutes okay?!"

"Okay. Ikaw bahala." saad ni Anthony habang biglang napaubo ito ng sunod-sunod. Sa isip niya, ayos na din at kasama niya si Dess, dahil may nakakausap siya at hindi niya masyadong naiisip ang iba pa niyang problema. Maliban na lamang kay Gail na kahit anong gawin niya ay nasa puso't isipan niya ito.

9:31AM - Lipa, Batangas

Pagkatapos magshower ni Gail, ay bumaba na ito para mag-almusal. Pagkadating niya sa may dining room ay nakita niya si Migs na nakaupo at nagbabasa ng diyaryo. Hindi niya alam kung didiretso ba ito sa lamesa o sa may kitchen na lang siya magkakape. Dahan-dahan ito naglakad papuntang kitchen nang biglang..

"Abi, kain tayo." saad ni Migs.

Ngayon na lang ulit siya natawag na Abi. Hindi ito sanay sa ganoong palayaw dahil lagi siya tinatawag na Gail.

"Oo sige. Magtitimpla lang ako ng kape." sagot ni Gail.

"Huwag na. Ipinagtimpla na kita ng kape. Tikman mo kapeng barako namin dito sa Batangas." saad ni Migs habang patuloy pa din ito sa pagbabasa ng diyaryo.

Wala nang nagawa si Gail kundi lumapit at umupo sa lamesa.

"Para saan naman ito at bakit mo ako ipinagtimpla?" mahinang saad ni Gail.

"Wala lang. Para quits-quits na tayo." sabay kindat sa magandang babae. Ibinaba na ni Migs ang binabasang diyaryo at nagsimulang kumain ng agahan.

Napalunok naman si Gail nang makindatan siya ni Migs at maya-maya pa ay kinuha niya ang kanyang tinidor para kumuha ng ulam.

"Nag-enjoy ka ba?" saad ni Migs.

Patusok na sana si Gail sa isang hotdog nang bigla itong mataranta sa tanong ni Migs.

"huh? N-nag enjoy sa-an? Sa ano?" saad ni Gail sabay lunok sa kanyang laway.

"Saan pa? Edi sa bago mong kuwarto." nakangiting saad ni Migs.

"Ahhhh. Hah! Eh okay naman. Ayos naman. Aprub" tulirong sagot ni Gail at tuluyan na niyang tinusok ang hotdog.

"Good! Buti naman nag enjoy ka." saad ni Migs na tila may nais ipahiwatig.

Hindi na lamang siya pinansin ni Gail at kinagat ang hotdog. Nakatingin naman si Migs sa kanya habang kumakain.

"Siya nga pala Migs, sorry ha." saad ni Gail.

"huh? Yun ba? Ah eh, naku wala yun. Sanay naman na ako sa ganun. Lagi naman ako nakikitang naka ganun." nakangiting sagot ni Migs.

"huh? Ano yun?" tanong ni Gail.

"Yun. Yung kanina diba." saad ni Migs.

Namula naman si Gail sa sinabi ni Migs at pinaalala pa nito ang nangyari kanina.

"What I'm saying is, yung kahapon. Sorry kung hinarangan pa kita umakyat. Yun pala bahay niyo ito." nakayukong saad ni Gail.

Nanlaki ang mata ni Migs dahil napahiya ito sa sinabi niya sa magandang babae.

"Ah yun ba? Sorry, este, ayos lang yun. Wala yun." saad ni Migs at dirediretsong sumubo ng kanin at ulam.

Ilang minutong katahimikan at walang kibuan. Hanggang natapos na sila kumain ng agahan.

"Oo nga pala Migs, di ba sabi mo bibisitahin mo mommy mo? Saan ba siya nakatira? Malapit lang ba dito?" paguusisa ni Gail.

Pansamantalang natigilan ang binata, sabay inom ng kape.

"May lakad ka ba? O may gagawin ka ngayon? Tanong ni Migs kay Gail.

"Wala naman. Bakit?" sagot ng babae habang inuubos ang kape.

"Samahan mo naman ako. Sama ka sa akin, bisitahin ko si mommy." saad ni Migs at tila kinukumbinsi si Gail para samahan siya.

"Sige okay lang. Para makapamasyal din." nakangiting sagot ni Gail.

11:30AM - Hospital

Sinamahan ni Dess si Anthony sa hospital para magpa-chemo. Siya na lang din ang nagdrive para marelax at maging ready si Anthony sa gagawin niya mamaya.

Habang nasa parking lot..

"Dess, salamat ha. Laking abala ko sayo."

"Sira. Ako naman nag-insist di ba. Wala iyon."

"Kahit na. Baka kasi magsawa ka."

"Itigil mo na yang dramarama sa umaga."

"Hehe."

"Magpagaling ka. Kahit yun na lang bayad mo."

"Okay. Oo nga pala, kamusta na tatay mo? Baka mas kailangan ka niya."

"Bukas pa ang chemo schedule nun. Tsaka kasama nun si mama. Kaya huwag ka mag-alala."

"Ah okay. Sige aakyat na ako. Kung gusto mo na umuwi okay lang. Huwag mo na ako hintayin."

"Hindi. Hihintayin kita. Huwag mo ako aalalahanin. Sige na akyat ka na."

"Sigurado ka?"

"Opo." nakangiting saad ni Dess kay Anthony. Ang ngiting iyon ng dalaga ang assurance ni Anthony na okay lang si Dess na mag-antay at ipagdrive siya mamaya pauwi.

12:30PM - Malvar, Batangas

Masayang nagkuwentuhan sina Migs at Gail habang nasa biyahe. Nagpatugtog pa ang binata ng mga gustong kanta ng magandang babae. Ngayon lang ulet nagkakalapit at nagkakakilanlan ang dalawa at labis ang tuwang nadarama ni Migs. Pakiramdam niya ay ngayon na lang ulet siya tumawa ng malakas sa napakatagal na panahon.

Maya-maya ay tumigil sila sa isang memorial park. May dinaanan din silang bulaklak at kandila bago pumasok doon. Pagkababa nila ng kotse ay napapaisip si Gail sa kanilang dadalawin. Medyo malayo ang kanilang nilakad hanggang narating nila ang puntod ng isang nagngangalang Anita Lumen Reyes Go. Tumabi na lamang siya at pinanood si Migs na magsindi ng kandila at nilapag ang dalang bulaklak sa gitna. Itinabi naman ni Migs ang mga lantang bulaklak sa isang lugar at binunot ang ibang mga damo sa gilid ng puntod. Tumayo na muli si Migs at lumapit kay Gail. Tumingin sa kanya si Gail at nakita nitong nakapikit ang binata at taimtim na nagdadasal. Yumuko na lamang din siya at nagdasal.

"Salamat Abi at sinamahan mo akong bisitahin si mommy. Mi, si Abi po. Kaibigan ko." saad ni Migs habang pinapakilala ang mommy niya kay Gail.

"Hi po." sagot ni Gail. Hindi niya alam kung anong gagawin. Tumingin sa kanya si Migs at natawa ng mahina.

"Sorry ha, pero ano kinamatay niya?"

"Cancer sa ovary."

"Ahh ganun ba? Sorry ulet."

"Matagal niyang pinaglabanan ang sakit na yan. Ako lang nasa tabi niya."

"Eh ang daddy mo?"

"Ayun, nasa piling ng ibang babae ang gago. Sorry mommy. Galit ako sa Daddy. Iniwan niya si mommy nung nalamang may sakit. Gago yun eh. Hindi na lang siya ang namatay."

Napayuko na lang si Gail sa mga narinig kay Migs. At naramdaman niya ang galit na nasa puso ng binata.

"Si mommy, mahal ko yan. Siya ang unang fan ko bilang artist. Lahat ng gawa ko tinatago niyan. Siya pa nagencourage sa akin na gumawa ng gallery o gumawa ng exhibit."

"Ahh bait pala ng mommy mo."

"Oo naman. Kaso binigo ko siya. Binigo ko lahat ng tao sa paligid ko. Hayyyy. Ayoko na." saad ni Migs habang nakayuko at sinisipa ang isang batong nakakalat sa lupa.

"Eto naman. Iniisip na bigo agad. Ang bata-bata mo pa. Di ba mommy, bata pa si Migs at marami pa siyang puwedeng patunayan?" saad ni Gail na tila kinakausap ng harapan ang mommy ng binata. Napatingin na lang si Migs sa kanya at nagulat sa nadinig mula kay Gail.

"Hayaan niyo mommy, isusumbong ko lahat sa inyo ang mga kalokohan ni Migs hanggang hindi siya tumitino." saad ni Gail sabay kindat kay Migs.

Natawa at napakamot na lang sa ulo ang binata. Nakita niya kung gaano ka-positibo si Gail at tila hinihikayat pa siyang magbago. Ang ngiting nakita niya sa magandang babae na lalong nagpapahulog sa kanyang kalooban.

"Tara na, buka sumagot pa si mommy sayo. Mi, alis na kami. Mahal na mahal kita mommy." saad ni Migs sabay punas sa mata at hindi niya napigilang lumuha.

"Oh mommy oh, umiiyak si Migs. Nako!" pabirong saad ni Gail.

"Siya na bahala sa akin mommy." saad ni Migs.

Nabigla si Gail sa nadinig at parang na on-the-spot siya sa nangyari. Hindi na lamang siya kumibo at nagsimulang maglakad papalayo. Nilingon naman siya ni Migs at sabay hablot at hawak sa kamay ni Gail. Hindi na nakapalag ang magandang babae at mabilis silang naglalakad papuntang sasakyan. Napakatindi at napakabilis ng tibok ng puso ni Gail habang hawak ang kamay ni Migs. Hindi ito lumilingon sa kanya at tanging likuran lamang ng binata ang kanyang nakikita.

"Punta tayong Tagaytay. Mageenjoy tayo." saad ni Migs at sinimulang paandarin ang kotse. Ngumiti na lamang si Gail bilang tugon at agad itong tumingin sa labas dahil sa dami ng gumugulo sa kanyang puso at isipan.

5:38PM - New Manila

Makalipas ang ilang oras ay nakabalik na din sa bahay sina Anthony at Dess galing hospital dahil sa naka-schedule na chemo session. Pagkapasok ng bahay ay nagsabi si Dess na ipagluluto na din niya ng hapunan si Anthony bago siya umuwi. Hindi na rin napigilan ang dalaga sa gusto nitong gawin kaya hinayaan na lamang niya ito. Dumiretso na lamang si Anthony sa kanyang kuwarto at nahiga.

Pagkatapos magluto ni Dess ay nagpaalam ito kay Anthony na maliligo muna siya bago sila kumain. Pagkapayag ni Anthony ay tila napaisip siya dahil may babaeng naliligo sa kanilang banyo maliban sa kaniya asawa. Hanggang sa naglaro na ang maduming isip ni Anthony. Iniimagine niya si Gail ang naliligo at nagreready na bago sila magromansahan. Ipinasok ni Anthony ang kanyang kanang kamay sa loob ng suot na jogging pants at hinimas ang medyo matigas na niyang ari. Kahit nanghihina pa siya ay buo ang loob nitong magpalabas. Napapapikit na si Anthony at tuluyang nagpakasarap sa kanyang ginagawa.

Maya-maya sa pagdilat niya ay hindi niya namalayan si Dess na pumasok sa kuwarto niya para tawaging kumain. Nataranta si Anthony at biglang pasok ng alaga nito sa loob ulit ng jogging pants. Dahan-dahang nilapitan siya ni Dess.

"Hayaan mong ako na ang gumawa."

"Huwag Dess. Hindi maaari."

"Okay lang sa akin Anthony. Hayaan mo ako." saad ni Dess sabay lagay ng palad sa gitnang bahagi ng jogging pants ng lalaki. Napaunat si Anthony sa ginawa ni Dess at hindi na niya napigilan ang mga sumunod na nangyari. Tuluyan na siyang naakit ng dalaga at pinainit nang kanyang seksing katawan. Hindi nagkanda-tuto si Anthony sa lusog ng mga dibdib ni Dess habang hawak niya ito.

Maya-maya ay nagsimula nang gumala ang kamay ni Dess sa buong katawan ng lalaki.

"Dess huwag. Mali ito." saad ni Anthony ngunit tila nagbingi-bingihan ang babae at patuloy pa rin ito sa ginagawang pagpapaligaya.

Tuluyan nang nawal sa sarili si Anthony at bumigay na rin siya sa tawag ng laman. Ilang oras din sila nagkaniig ng dalaga at naghalo ang kanilang mga pawis, matitinding paghabol sa kanilang hininga at kakaibang ligaya habang magkadikit ang kanilang katawan.

Ilang saglit lang at sumabog na sa kaligayahan ang lalaki marahil sa matagal na itong hindi nakikipagtalik sa asawa at nabaling na lamang sa tuksong sinapit niya kay Dess.

Pakalipas ng ilang oras, ay humiga na si Dess sa tabi ni Anthony. Yumakap ito ng mahigpit. Samantalang si Anthony ay hinang-hina sa mga nangyari hanggang sa nakatulog ito ng saglit.

8:18PM – New Manila

Naalimpungatan si Anthony dahil bigla itong inubo. Namalayan niyang may nakayakap sa kanyang babae. Naaalala ang nangyari at tila nabagabag siya. Tumingin sa kanya si Dess, sabay bangon at naupo sa tabi ni Anthony. Yumakap ito sa lalaki.

"Mali ito. Hindi puwede ito." umalis siya sa pagkakayakap kay Dess at umupo sa dulo ng kama.

"I'm sorry. Hindi ko dapat hinayaang mangyari ito."

"Hindi mo kailangang humingi ng sorry kasi ginusto ko din ito."

"No. Mali ito. I took advantage of you."

"I did. I took advantage of the situation."

"Mahal ko ang asawa ko. I'm sorry. This should not happen again."

"Wala siya sa tabi mo. Ako ang nandito."

"Hindi tama ang ginagawa niya. Pero mali ang ginawa ko. Dess, kasalanan ito. Mahal ko ang asawa ko. Mahal ko si Gail. Patawarin mo ako."

"Mali na kung mali Anthony. Nasasaktan ako kasi gusto kita. Kasi mahal kita."

"I'm sorry kung nasasaktan ka. Mas lalo kang masasktan kung magpapatuloy ito. Kung magkikita pa tayo ulet. I hate to tell you this, but you have to stop loving me. I'm a married man and you deserve better."

Chasing Pavements by Adele

---------------------------------------------------------------------------------

EPILOGUE

Habang nasa Tagaytay, masayang masaya si Migs dahil sa wakas ay kasama niya ang isang babae na sa tingin niya ay magpapabago sa kanyang buhay. Tuluyan na siyang nahulog kay Gail.

Habang nasa banyo, walang tigil si Anthony sa pagsisisi niya sa ginawang kasalanan at nadala siya sa tukso ng laman. Tuluyan na siyang nahuhulog sa isang madilim na lugar at pakiramdam niya ay hindi na siya makakaahon pa.

Ang simula ng pagtumba at pagbagsak ng isang relasyong patuloy na nagugulo, at ang hangganan nito'y hindi pa matiyak kung matutuluyan sa pagkasira at hindi na makakaahon pa.

END OF CHAPTER 4.

Itutuloy..